Kecha 10 iyun kuni Rossiyaning Solnechnogorsk shahrida bokschimiz Shohjahon Ergashev o‘zining navbatdagi reyting jangini o‘tkazdi. Unda hamyurtimiz 1-raundayok raqibini nokautga uchratdi.
Bu o‘ziga xos g‘alaba bo‘ldi. Buni raqamlar ko‘rsatib turibdi: 10 iyun, 10-jang, 10-nokaut, 1-raund.
E’tiborlisi shundaki, Madridning "Real" klubi yarim himoyachisi Xames Rodriges ortda qolgan Ispaniya La ligasi doirasida "Sevilya"ga qarshi o‘yinda ham gol urib, jamoasiga g‘alaba keltirgandi. O‘shanda ham ajoyib raqamlar yuzaga kelgandi: 10-raqam sohibining 10-daqiqada 10-sekundda urgan goli tufayli uchrashuvda 1:0 hisobi kasb etgan edi.
Qiziqarlisi, Shohjahon va Xames tengdosh bo‘lib, vatandoshimiz "Real Madrid" muxlisi hisoblanadi.
Footbox nikidagi muxlis
