«Monako» hujumchisi Kilian Mbappe tez orada «Real» futbolchisiga aylanishi mumkin.

AS xabariga ko‘ra, 18 yoshli futbolchi «Monako» tarkibida qolib, JCH-2018 musobaqasiga borish uchun o‘yin amaliyotiga ega bo‘lishni maqsad qilgan. Monegasklar ham yangi mavsumda undan voz kechishni istamayapti.

Bunday vaziyatda «Real» o‘ziga xos ayyorlikka qo‘l urib, Mbappeni qo‘lga kiritish yo‘lini topdi. Qirollik klubi hujumchi bilan shartnoma imzolab, keyin uni «Monako»ga bir yil muddatga ijaraga bermoqchi. Natijada six ham, kabob ham kuymaydigan bo‘ladi.

«Monako» iqtidorining transferi uchun «Real» 135 mln yevro to‘lashiga to‘g‘ri keladi.