«Монако» ҳужумчиси Килиан Мбаппе тез орада «Реал» футболчисига айланиши мумкин.
AS хабарига кўра, 18 ёшли футболчи «Монако» таркибида қолиб, ЖЧ-2018 мусобақасига бориш учун ўйин амалиётига эга бўлишни мақсад қилган. Монегасклар ҳам янги мавсумда ундан воз кечишни истамаяпти.
Бундай вазиятда «Реал» ўзига хос айёрликка қўл уриб, Мбаппени қўлга киритиш йўлини топди. Қироллик клуби ҳужумчи билан шартнома имзолаб, кейин уни «Монако»га бир йил муддатга ижарага бермоқчи. Натижада сих ҳам, кабоб ҳам куймайдиган бўлади.
«Монако» иқтидорининг трансфери учун «Реал» 135 млн евро тўлашига тўғри келади.
