Usmon Toshev rasman «Andijon» ustoziga aylandi.

Tanishtiruv marosimida Usmon Qudratovichga so‘z berilgach, mutaxassis shunday dedi: «Avvalo rahbariyatga taklif bilan chiqishgani uchun minnatdorchilik izhor etmoqchiman. Ularning taklifini xursandchilik bilan qabul qildim. Chunki ancha vaqt ushbu sohada ishlamay kelayotgandim. Yana murabbiy sifatida ishlash nasib etayotgani menga qo‘shimcha kuch bag‘ishladi. Ishga juda chanqoqman hozir. Bu yil «Andijon»ni oldiga qo‘yilgan vazifa elitaga qaytish ekanligi barchaga ma’lum. Maqsadga erishish oson bo‘lmaydi. Lekin uddalashga bor kuchimiz bilan xarakat qilamiz. Jamoa o‘yini yozilgan disklarni ko‘rib chiqdim. Futbolchilarning saviyasi past deb bo‘lmaydi. Hamma birlashishi kerak. Muxlislardan ham qo‘llab-quvvatlashishlarini xohlardim. Bu yerni ishqibozlarini juda yaxshi bilaman. Talabchanligi bilan ajralib turishadi. Futbolchilar esa ish jarayonida yaqindan tanishib boramiz».