Oliy liga 13-turidan o‘rin olgan “Neftchi” – “Dinamo” (2:3) bahsidan so‘ng, mehmonlar bosh murabbiyi Oleg Tyulkin o‘z fikrlari bilan o‘rtoqlashdi.
"Keskin o‘yin ko‘rdik. Xar ikki jamoada ham g‘alaba qozonish uchun imkoniyat bor edi. Biz ana shu imkoniyatga ega chiqdik. “Dinamo”da ham “Neftchi” ham vaziyatlar bo‘ldi. Faqat farg‘onaliklar xavfli vaziyatlarni golga aylantira olishmadi. Uchrashuv borasida qisqa fikrlarim mana shulardan iborat. “Neftchi”ga omad tilab qolaman. Vadim Abramovdek tajribali murabbiy jamoani qo‘lga oldi. Qisqa vaqt ichida vaziyatni o‘nglash oson emas deb o‘ylayman. Unga biroz vaqt kerak. Muxlislarga sabr tilayman. Ishonamanki, Vadim Abramov “Neftchi” bu vaziyatdan olib chiqib keta oladi", – dedi Oleg Tyulkin.
