Oliy liga 13-turidan o‘rin olgan "Sho‘rtan" - "Nasaf" (1:2) o‘yinidan so‘ng, mehmonlar ustozi Ro‘ziqul Berdiyev o‘z fikrlari bilan o‘rtoqlashdi.
"Safarda uch ochkoni qo‘lga kiritdik, albatta bu biz uchun yoqimli. Chunki safardagi o‘yinlarimizda ochko yo‘qotayotgan edik. Bugun safarda o‘ynab, g‘alaba qozondik. Buning uchun yigitlarga rahmat aytaman. Bugun ko‘rdilaringiz, “Sho‘rtan” jamoasi ko‘proq qarshi hujumlarda harakat qildi. Albatta ular bizning o‘yinimizni yaxshi o‘rganishgan va bilishadi. Biz o‘z o‘yinlarimiz bilan bari-bir raqib himoyasini xato qilishiga erishdik. Va natija biz istagandek bo‘ldi. Bugungi o‘yinga biz jiddiy yo‘qotishlar bilan kelgan edik. Albatta bu yo‘qotishlar bugun bilindi. Yigitlarga rahmat, ular bugun o‘zlariga yuklatilgan vazifani chiroyli ado etishdi. Oldimizda "Paxtkaor" jamoasi bilan bo‘ladigan uchrashuv kutib turibdi, endi bor e’tiborimizni shu o‘yinga qaratamiz" - dedi Berdiyev.
