Londonning “Arsenal” jamoasi Fransiyaning “Lion” klubi hujumchisi Aleksandr Lyakazettni o‘z safiga qo‘shib olmoqchi, deb xabar beradi Mirror nashri.
Londonliklar Lyakazett uchun 50 million yevrodan voz kechishga tayyor. Fransiyalik futbolchi YECHLda o‘ynashni istamoqda, shu sababli ham u Londonga ko‘chib o‘tish variantini ko‘rib chiqadi.
Qayd etish kerakki, hujumchining xizmatlariga shaxsan Arsen Venger qiziqish bildirgan. Uning nazdida Lyakazett hujumni ancha kuchaytira oladi. Bundan tashqari, u “to‘pchilar” safidan ketishi kutilayotgan Aleksis Sanchesga o‘rinbosar bo‘ladi.
