3-4 mavsumdan beri “Buxoro” jamoasining muxlislari stadionga tashrif buyurish bo‘yicha peshqadam bo‘lib kelishdi, deya ma’lumot beradi jamoa rasmiy sayti.

2017 yilgi mavsumda afsus-ki, buxoroliklar “chempionlik”ni qo‘ldan chiqarishmoqda. Ortda qolgan 12 turda buxorolik muxlislar tur yakuni bo‘yicha peshqadamlik qilishmadi. Mana nihoyat 13-turga kelib buxoroliklar turda peshqadam bo‘lishdi.

13-turda o‘tkazilgan 8 ta uchrashuvda jami bo‘lib stadionlarga 32399 nafar muxlis tashrif buyurdi. Ushbu ko‘rsatgichning 38,5% ni “Buxoro”-“Lokomotiv” uchrashuviga tashrif buyurgan muxlislar tashkil qiladi. Ushbu uchrashuvni PFL rasmiy sayti bergan ma’lumotga ko‘ra 12458 nafar muxlis bevosita stadiondan turib tomosha qilgan. Bu esa 13-turning eng yaxshi ko‘rsatgichi sanaladi.

Eng past ko‘rsatgich “Obod”-“Metallurg” uchrashuvida kuzatildi. Bu uchrashuvni tomosha qilish uchun stadionga bor-yoo‘g‘i 253 nafar muxlis tashrif buyurgan.

Quyida 13-turda har bir uchrashuvda stadionlarga tashrif buyurgan muxlislar sonini taqdim etamiz:

1. «Buxoro» (Buxoro) – «Lokomotiv» (Toshkent) – 1:2. 12458 tomoshabin.

2. «Qizilqum» (Navoiy) – «Mash’al» (Muborak) – 2:0. 7618 tomoshabin.

3. «Sho‘rtan» (G‘uzor) – «Nasaf» (Qarshi) – 1:2. 4112 tomoshabin.

4. «Olmaliq» (Olmaliq) – «Paxtakor» (Toshkent) – 2:0. 2707 tomoshabin.

5. «Bunedkor» (Tashkent) – «Kokand-1912» (Kokand) – 2:1. 1912 zriteley.

6. «So‘g‘diyona» (Jizzax) – «Navbahor» (Namangan) – 2:1. 1711 tomoshabin.

7. «Neftchi» (Farg‘ona) – «Dinamo» (Samarqand) – 2:3. 1628 tomoshabin.

8. «Obod» (Toshkent) – «Metallurg» (Bekobod) – 1:4. 253 tomoshabin.