3-4 мавсумдан бери “Бухоро” жамоасининг мухлислари стадионга ташриф буюриш бўйича пешқадам бўлиб келишди, дея маълумот беради жамоа расмий сайти.

2017 йилги мавсумда афсус-ки, бухороликлар “чемпионлик”ни қўлдан чиқаришмоқда. Ортда қолган 12 турда бухоролик мухлислар тур якуни бўйича пешқадамлик қилишмади. Мана ниҳоят 13-турга келиб бухороликлар турда пешқадам бўлишди.

13-турда ўтказилган 8 та учрашувда жами бўлиб стадионларга 32399 нафар мухлис ташриф буюрди. Ушбу кўрсатгичнинг 38,5% ни “Бухоро”-“Локомотив” учрашувига ташриф буюрган мухлислар ташкил қилади. Ушбу учрашувни ПФЛ расмий сайти берган маълумотга кўра 12458 нафар мухлис бевосита стадиондан туриб томоша қилган. Бу эса 13-турнинг энг яхши кўрсатгичи саналади.

Энг паст кўрсатгич “Обод”-“Металлург” учрашувида кузатилди. Бу учрашувни томоша қилиш учун стадионга бор-ёўғи 253 нафар мухлис ташриф буюрган.

Қуйида 13-турда ҳар бир учрашувда стадионларга ташриф буюрган мухлислар сонини тақдим этамиз:

1. «Бухоро» (Бухоро) – «Локомотив» (Тошкент) – 1:2. 12458 томошабин.

2. «Қизилқум» (Навоий) – «Машъал» (Муборак) – 2:0. 7618 томошабин.

3. «Шўртан» (Ғузор) – «Насаф» (Қарши) – 1:2. 4112 томошабин.

4. «Олмалиқ» (Олмалиқ) – «Пахтакор» (Тошкент) – 2:0. 2707 томошабин.

5. «Бунедкор» (Ташкент) – «Коканд-1912» (Коканд) – 2:1. 1912 зрителей.

6. «Сўғдиёна» (Жиззах) – «Навбаҳор» (Наманган) – 2:1. 1711 томошабин.

7. «Нефтчи» (Фарғона) – «Динамо» (Самарқанд) – 2:3. 1628 томошабин.

8. «Обод» (Тошкент) – «Металлург» (Бекобод) – 1:4. 253 томошабин.