15-25 iyun kunlari Toshkent shahri shaxmat bo‘yicha Jahon chempionatiga saralash vazifasini bajarib beruvchi 3.4 mintaqaviy chempionati bo‘lib o‘tadi. 15 iyun kuni Respublika ixtisoslashtirilgan bolalar va o‘smirlar shaxmat maktabida bo‘lib o‘tgan musobaqaning ochilish marosimida Xalqaro Shaxmat Federasiyasi prezidenti Kirsan Ilyumjinov ham ishtirok etdi.
Ushbu musobaqada minataqamiz ya’ni Markaziy Osiyo mamlakatlari – O‘zbekiston, Qozog‘iston, Qirg‘iziston, Turkmaniston, Tojikiston hamda Afg‘oniston shaxmatchilari g‘oliblik uchun kurash olib borishadi. Qayd etish kerak, musobaqaning Erkaklar o‘rtasidagi bahslarida 1 va 2 o‘rin sohibi bo‘lgan shaxmatchilar Jahon kubogiga yo‘llanmani qo‘lga kiritadi.
Toshkentda shaxmat bo‘yicha sovrin jamg‘armasi 5000 AQSH dollari bo‘lgan turnir bo‘lib o‘tmoqda - O‘zbekiston yangiliklariAyollar o‘rtasida esa Jahon chempionatiga yo‘llanma uchun kurash kechadi.
Turnirning mukofot jamg‘armasi 5000 AQSH dollarini tashkil qiladi. Shaxmatchilar 9 tur davomida shveysarcha tizimda dona surishadi. Dastlabki 40 yurishga 90 daqiqa nazorat vaqti ajratiladi.
