Oliy liganing 13-turida Jizzaxning “So‘g‘diyona” jamoasi “Navbaxor”ni qabul qildi va 2:1 hisobda g‘alaba qozondi.
O‘yindan so‘ng “So‘g‘diyona” himoyachisi Sarvarjon Jo‘rayev o‘yin borasida o‘z fikrlarini bildirdi.
— O‘yinga jiddiy hozirlik ko‘rgan edik. O‘zbekiston kubogi bahsida “Buxoro” ga mag‘lub bo‘lgan edik. Bugungi o‘yinda muhlislarimizga bu shunchaki tasodif bo‘lganligini isbotlamoqchi edik va bunga erishdik. Oldinda bizni og‘ir o‘yinlar kutayapti. Diqqatimizni ushbu o‘yinlarga qaratamiz. G‘alaba bilan barcha muhlislarimizni tabriklayman — deydi Jo‘rayev.
