Oliy Liga 14-turida “Lokomotiv”ni “Dinamo”ga qarshi anchagina qiziqarli ko‘rinish olishi taxmin qilinayotgan match kutmoqda. Har ikki jamoa ham ushbu uchrashuvda o‘z ishqibozlarini ijobiy natija bilan xursand qilish niyatida.

Shu o‘rinda qayd etib o‘tish joizki, “Lokomotiv” hamda “Dinamo” jamoalari shu paytga qadar milliy chempionatimiz doirasida o‘zaro 22 marta to‘qnash kelishgan. Shunday uchrashuvlardan 10 tasi samarqandliklar foydasiga, 9 tasi esa toshkentlik futbolchilar foydasiga hal bo‘lgan. Yana 3 ta bellashuv esa durang natija bilan yakunlangan.

O‘zaro uchrashuvlarda “Lokomotiv” futbolchilari ushbu raqib darvozasiga 30 bor gol kiritishga muvaffaq bo‘lishgan hamda 34 marta o‘z darvozalaridan to‘p o‘tkazib yuborishgan. “Loko”ning “Dinamo” ustidan qozongan eng yirik g‘alabasi – 4:0 hisobida 2004 yilgi mavsumda qo‘lga kiritilgan. Qolaversa, jamoalar o‘rtasidagi eng sermahsul o‘yin esa 2006 yilda kechgan bo‘lib, o‘shanda “Lokomotiv” 4:3 hisobida g‘alabaga erishgan.

So‘nggi bor ushbu ikki jamoa 2015 yilda Oliy Liga ikkinchi davra o‘yinlari doirasida duch kelishgan va o‘shanda “Lokomotiv” o‘z uyida 2:1 hisobida g‘alaba qozongan.