O‘zbekistonlik FIFA referisi Ravshan Ermatov JCH–2018 musobaqasidan avval o‘tkaziladigan Konfederasiyalar Kubogi–2017 turnirida videotakrorlar bo‘yicha referi assistenti vazifasini bajarishi haqida xabar berilgandi.

Rossiyada bo‘lib o‘tayotgan musobaqada Ravshan Ermatov navbatdagi o‘yinga tayinlov oldi. O‘zbekistonlik hakam “B” guruhi 2-turidan o‘rin olgan Germaniya – Chili uchrashuvida ishlaydi. Oldinroq Ermatov Avstraliya – Germaniya (2:3) o‘yinida videotakrorlar bo‘yicha yordamchi vazifasini bajargandi.

Ma’lumot uchun, Germaniya – Chili bellashuvi ertaga, 22 iyun kuni Toshkent vaqti bilan 23:00 da boshlanadi.

Ushbu o‘yinni esa eronlik Alirizo Fag‘oniy boshqarib boradi. Unga qanotlarda hamyurtlari Rizo Suxandon xamda Muxammadrizo Mansuriy yordam beradi.

Konfederasiyalar kubogi–2017
2-tur, 22 iyun (payshanba)
Germaniya – Chili
Bosh hakam: Alirizo Fag‘oniy (Eron)
Qanot hakamlari: Rizo Suxandon, Muhammadrizo Mansuriy (ikkisi ham Eron)
Zaxira hakami: Mark Giger (AQSH)
Videoassistentlar: Artur Dias (Portugaliya), Jo Fletcher (Kanada)
Videoassistent yordamchisi: Ravshan Ermatov (O‘zbekiston).