Oliy liga 14-turidan o‘rin olgan «Navbahor» - «Olmaliq» (1:1) o‘yinidan so‘ng, mehmonlar ustozi o‘z fikrlari bilan o‘rtoqlashdi.

Viktor Kumikov (“Olmaliq” jamoasi bosh murabbiyi): «Raqibga qaraganda yomonroq o‘yin ko‘rsatganligimizni tan olmasdan ilojim yo‘q. O‘yinimiz qovushmadi. Bunga nima sabab bo‘lganligini bilmayman. Balki ob-havo o‘z ta’sirini ko‘rsatgandir zero bunday sharoitga ko‘nikib ulgurgan bo‘lishlari lozim edi. Yoki “Paxtakor”ga qarshi g‘alabadan keyin qandaydir xotirjamlik yuzaga kelgandir. Xullas yomon o‘yin ko‘rsatdik. Shunga qaramay, bir ochkoni qo‘lga kiritishga erishdik. Bunday o‘yin orqali durang qayd etish biz uchun ijobiy holat hisoblanadi. Foydamizga xizmat qilgan yagona holat o‘yin oxirlarida gol urib, iroda namoyish eta olganimiz bo‘ldi. Qolgan vaziyatlarni barchasiz bizning zararimizga ishladi. Bir so‘z bilan aytganda futbolchilarimiz ko‘rsatgan o‘yindan qoniqish hosil qilmadim. “Navbahor”ni qay tarzda harakat qilishini va ular asosan qanotlardan Yovanovichga to‘p yetkazib berilishini bilardik. Shunga qaramay, gol o‘tkazib yubordik. Uchrashuvdan oldin berilgan ko‘rsatmalarni yigitlar bajarishga urinib ko‘rishdi, lekin buni uddalay olishmadi»