Rossiya mezbonlik qilayotgan futbol bo‘yicha Konfederasiyalar kubogida bugun — 24 iyun kuni «A» guruhining so‘nggi tur bellashuvlari bo‘lib o‘tadi.
O‘tgan tur Rossiyani Krishtianu Ronalduning goli evaziga mag‘lub etgan Portugaliya terma jamoasi guruh yetakchisi bo‘lish uchun Yangi Zelandiyaga qarshi saf tortadi. Okeaniyalik futbolchilar dastlabki ikki turda imkoniyatni boy bergan. Shu vajdan kelib chiqilsa, bugun portugaliyaning imkoniyatlari yuqoriroq bo‘lishi mumkin.
Meksika va Rossiya termalari ishtirokidagi bellashuv esa katta ehtimol bilan guruhdan chiqadigan ikkinchi jamoa nomiga oydinlik kiritadi. Bunda amerikalik futbolchilarning imkoniyati ko‘proq. 2-turdan keyin Meksikada 4, Rossiyada 3 ochko mavjud. Shundan kelib chiqilsa, bugun meksikalik futbolchilarni durang ham qanoatlantiradi.
Guruhdagi so‘nggi tur bellashuvlari bir vaqtda — Toshkent vaqti bilan 20:00 da start oladi.
