Rossiyalik yakkakurashchi Fyodor Yemelyanenko Bellator 180 turnirida Mett Mitrion bilan kechgan jangda nokautga uchragach, raqibini revanshga chaqirdi.
"Men Mitrion bilan revansh o‘tkazishni istardim, chunki jang ikki tomonlama yaxshi kechayotgandi, shunchaki Mett ertaroq o‘zini tiklab oldi.
Bugungi mag‘lubiyatga keladigan bo‘lsak, jangga bor kuchimni ishga solib tayyorgarlik ko‘rdim, shunday ekan, menda imkon bor edi, tayyorgarlik jarayonida hech narsani o‘zgartirmagan bo‘lardim. Men xuddi shu murabbiy rahbarligi ostida va xuddi shu sparring-sheriklarim bilan tayyorlangan bo‘lardim", - dedi Yemelyanenko turnirdan keyingi matbuot anjumanida.
Eslatib o‘tamiz, amerikalik Mett Mitrionga qarshi jang qilgan rossiyalik sportchi 74-soniyadayoq mag‘lubiyatga uchradi. Har ikki sportchi bir-biriga nokdaunga tushirib qo‘yadigan zarba berdi. Bunda Mett raqibidan tezroq o‘ziga keldi va uni bir yo‘la nokautga uchratgan edi.
Nyu-Yorkdagi jangga qadar 38 yoshli Mitrion 12 ta jangda zafar quchgan bo‘lib, 11 tasida raqiblarini nokaut qilgan va 5 ta jangni boy bergandi. Yemelyanenko esa ayni paytda 40 yoshda.
