Moskva hayvonot bog‘idagi Nika laqabli oq urg‘ochi ayiq KK-2017 musobaqasining yarimfinali natijalarini oldindan bashorat qildi.

Uning tanloviga ko‘ra, Portugaliya - Chili o‘yinida pireneylik futbolchilar g‘alaba qozonadi. Nika aynan Portugaliya bayrog‘i tushirilgan tovoqni tanladi. Germaniya terma jamoasi ertaga Meksika jamoasi bilan uchrashadi. Qutb ayig‘ining fikriga ko‘ra, o‘yin yevropaliklarning mag‘lubiyati bilan tugaydi. Nika Lotin Amerikasi mamlakati terma jamoasi bayrog‘i tushirilgan tovoqchaga o‘zini tashladi va uni hatto qo‘llariga ko‘tarib oldi.

Yetim qolgan oq ayiqni Moskva hayvonot bog‘iga kuzda Chukotkadan olib kelishgan edi. Agar jonivorning bashorat qilish qobiliyati futbol muxlislarida yaxshi taassurot qoldirsa, Nika kelasi yili bo‘lib o‘tadigan jahon chempionatining bashoratchisiga aylanishi mumkin.