"Barselona" yarim himoyachisi Arda Turon dam olish paytida ortiqcha vaznga ega bo‘ldi. Kurort shaharlarning birida sohil bo‘yida dam olayotgan futbolchini paparassi suratga olishga muvaffaq bo‘ldi.
Unda turkiyalik futbolchi semira boshlagani, uning qorin qismi chiqib qolgani aks etgan. Turon ta’tildan yuqori bo‘lmagan formada qaytishi kutilmoqda.
Mish-mishlarga qaraganda, Arda yozgi transfer paytida "Barsa"ni tark etadi. Kataloniyaliklar boshqa yarim himoyachini xarid qilish maqsadida Turonni sotishni rejalashtirishyapti. So‘nggi ma’lumotlarga qaraganda, turkiyalik futbolchiga "Inter" qiziqish bildirmoqda.
