"Барселона" ярим ҳимоячиси Арда Турон дам олиш пайтида ортиқча вазнга эга бўлди. Курорт шаҳарларнинг бирида соҳил бўйида дам олаётган футболчини папарацци суратга олишга муваффақ бўлди.

Унда туркиялик футболчи семира бошлагани, унинг қорин қисми чиқиб қолгани акс этган. Турон таътилдан юқори бўлмаган формада қайтиши кутилмоқда.

Миш-мишларга қараганда, Арда ёзги трансфер пайтида "Барса"ни тарк этади. Каталонияликлар бошқа ярим ҳимоячини харид қилиш мақсадида Туронни сотишни режалаштиришяпти. Сўнгги маълумотларга қараганда, туркиялик футболчига "Интер" қизиқиш билдирмоқда.