O‘zbekiston Kubogi chorak final dastlabki uchrashuvi doirasida Samarqandda «Mash’al» jamoasini qabul qilgan «Dinamo» jamoasi kichik hisobda muvaffaqiyatsizlikka uchradi.
Uchrashuv tizigi o‘yin davomida mezbonlar qo‘lida bo‘lsada, yaratilgan imkoniyatlardan unumli foydalanilmadi. Ikkinchi taymda uchta hujumchi bilan to‘p surgan samarqandliklar hujumkorlikka intilishgan bo‘lishsada, mehmonlar himoyasi va darvozaboni ishonchli o‘yin namoyish etishdi.
56-daqiqada esa muborakliklarning qarshi hujumi gol bilan yakunlandi. Maradona Safarovning chamasi 20 metrlardan yo‘llagan zarbasi Temur Jo‘rayev darvozasining uzoq burchagidan joy oldi.
Uchrashuv yakunigacha «Dinamo» futbolchilari gol urishga har qancha intilishmasin, hisob o‘zgarmadi, 0:1
Javob uchrashuvi 4 iyul kuni Muborakdagi Baxrom Vafoyev nomli stadionda o‘tkaziladi.
O‘zbekiston Kubogi. 1/4 final. Dastlabki uchrashuv.
«DINAMO» - «MASH’AL» - 0:1
Samarkand, 4800 tomoshabin.
Hakamlar: A. Asimov (Toshkent), R. Serazetdinov (Toshkent), B. Qodirov (Buxoro), B. Yulcharayev (Guliston)
Nazoratchi: A. Abdullayev (Toshkent).
Gol: Maradona Safarov 56.
«Dinamo»: 27.Temur Jo‘rayev, 2.Mirkomil Lokayev, 5.Firdavs Abdusalimov, 6.Akmal Bozorov, 8.Jasur Azimov, 10.Javohir Qahramonov (19.Orifjon Mamajonov, 62), 14.Radu Rogak, 17.Aleksey Nikolayev (11.Abdumalik Abdullayev, 65), 20.Amirjon Safarov, 26.Saidjamol Davlatjonov, 41.Jasur Qurbonov (9. Sardor Sulaymonov, 46).
«Mash’al»: 35. Javohir Ilyosov, 6.Sardor Abduraimov, 10.Humoyun Murtazoyev, 16. Maradona Safarov, 18. Abbos Shodmonov (2. Iskandar Shayqulov, 65), 19. Zohir Qo‘ziboyev, 22. Bobur Qosimov (3. Sardor Raxmonov, 71), 31. Igor Timanyuk, 44. Asil Begimqulov, 55. Avaz Agaliyev, 77. Abdulloh Olimov.
