Oliy liganing 3-turidan o‘rin olgan «Lokomotiv» - «Metallurg» (3:1) o‘yinidan so‘ng, mezbonlar ustozi Andrey Miklyayev o‘z fikrlarini aytdi.
«Uchrashuv ancha keskin kurashlarga boy tarzda o‘tdi. Raqib ham aslo bo‘sh kelmaslikka urindi. “Metallurg” so‘nggi paytlarda mag‘lubiyatga uchramasdan kelayotgan edi. Lekin biz ushbu jamoani mag‘lub eta oldik.
O‘yin oson kechgani yo‘q. Ayniqsa, jamoamizda jarohat olganlar soni ko‘p ekani ham bizga yanada qiyinchilik tug‘dirdi. Lekin bugun maydonga chiqqan yigitlar yo‘q o‘yinchilarning o‘rnini bilintirmaslikka urinishdi.
Bugun yosh futbolchi – Azizbek Amonov o‘zidan yomon taassurot qoldirmadi. U debyut golini kiritishga muvaffaq bo‘ldi. Agar u o‘z ustida ishlashdan to‘xtamasa, undan yaxshi saviyadagi futbolchi chiqadi. Umid qilamanki, u “yulduzlik kasali”ga uchramaydi.
Umuman olganda, birinchi davrani yomon o‘tkazmadik. Biroq ba’zi uchrashuvlarda kutilmaganda kerakli ochkolarni boy berib qo‘ydik. Endi ikkinchi davraga hozirlik ko‘rishni boshlaymiz. Tarkibda o‘zgarishlar bo‘lishi mumkin. Nyore Krizo biz kutgandek o‘yin namoyish eta olmadi. U bilan xayrlashadigan bo‘ldik», - dedi mutaxassis.
