UYEFA prezidenti Aleksander Cheferin klublar tomonidan beriladigan maoshlar miqdorini cheklashni taklif qildi.
«Eng boy klublar borgan sayin daromadlarini oshirmoqda, byudjetlarini ko‘paytirib, futbolchilarga ko‘proq xarajat qilmoqda. Natijada, klublar o‘rtasidagi tafovut kuchayib ketgan, bu meni xavotirga solyapti.
Klublar ko‘plab futbolchilarni xarid qilyapti, shu tufayli ba’zi futbolchilar o‘yin amaliyotisiz qolib ketmoqda. Agar biz maoshlarni cheklab qo‘yadigan bo‘lsak, klublar transferlarga jiddiy e’tibor qaratadigan, pullarni behudaga sarflamaydigan bo‘ladi.
Bunday o‘zgarishlarni amalga oshirish oson bo‘lmaydi. Buning uchun qattiq kurashishga to‘g‘ri keladi. Boy klublar matbuot bilan juda yaxshi aloqa o‘rnatgan.
Agar bu ishni amalga oshirsak, biz tarixiy natijaga erishgan bo‘lamiz» - dedi Cheferin.
