Avstraliyaning Brisben shahrida professional boks bo‘yicha WBO kamari uchun jang bo‘lib o‘tdi.
Mazkur kamar sohibi hisoblanadigan filippinlik bokschi Menni Pakyao 66,68 kilogrammgacha bo‘lgan vazn toifasida avstraliyalik Jeff Hornga ochkolar bo‘yicha imkoniyatni boy berib qo‘ydi. Shu tariqa, 55 ming muxlisni sig‘dira oladigan "Sankorp stedium" arenasidagi chempionlik jangida «Pakmen» o‘z kamarini himoya qila olmadi.
Ma’lumot uchun, Menni Pakyao professional boksda 68ta jang o‘tkazib, 59ta g‘alaba (38 tasi nokaut bilan), 7ta mag‘lubiyat va 2ta durang qayd etgan. Hornning hisobida 19 jang bo‘lib, 17tasida (11tasi nokaut bilan) zafar quchgan, bitta jangda mag‘lub bo‘lgan va bitta jangda g‘olib nomi aniqlanmagan.
