Konfederatsiyalar kubogi finalidan keyin germaniyaliklar ustozi Yoaxim Lyov o‘z fikrlari bilan o‘rtoqlashdi.
— Bu jamoa munosib edi. Ular bir necha hafta birga shug‘ullanishdi, men esa har bir mashg‘ulotga yangilik kiritardim. O‘ylashimcha, shogirdlarim Konfederatsiyalar kubogini qo‘lga kiritishni juda-juda xohlashdi. To‘g‘ri, Chili ham kuchli jamoa, lekin men futbolchilarimga har bitta chiziqda kurash olib borishni va qarshi hujumga tezkorlik bilan o‘tishni tayinlagandim. Ha, bizda xalqaro tajriba yo‘q edi, ammo ko‘rib turganingizdek, chempionmiz.