Конфедерациялар кубоги финалидан кейин германияликлар устози Йоахим Лёв ўз фикрлари билан ўртоқлашди.
— Бу жамоа муносиб эди. Улар бир неча ҳафта бирга шуғулланишди, мен эса ҳар бир машғулотга янгилик киритардим. Ўйлашимча, шогирдларим Конфедерациялар кубогини қўлга киритишни жуда-жуда хоҳлашди. Тўғри, Чили ҳам кучли жамоа, лекин мен футболчиларимга ҳар битта чизиқда кураш олиб боришни ва қарши ҳужумга тезкорлик билан ўтишни тайинлагандим. Ҳа, бизда халқаро тажриба йўқ эди, аммо кўриб турганингиздек, чемпионмиз.