Qisqa muddatli ta’tildan so‘ng, "So‘g‘diyona" futbolchilari jamoa qarorgohida yig‘ildi.

Shundan so‘ng, klub a’zolari ikkinchi davra yig‘inini o‘tkazish uchun Zominga jo‘nab ketishdi.

Ayni paytda futbolchilar bilan yordamchi murabbiy Diyor Fayziyev ishlamoqda. Jamoa 10 kun davomida yig‘in o‘tkazadi. Unda asosan futbolchilarning jismoniy tayyorgarligini yaxshilashga e’tibor qaratiladi. Keyinchalik yig‘in Jizzaxda davom etadi.

Jamoani rasman Dadajon Mamatqulov, Omon-biik Xalilov va Sarvar Karimov tark etgan. Hozircha yangi futbolchilar kelib qo‘shilmagan.