Oliy liga 3-turning qoldirilgan o‘yini doirasida "Bunyodkor" o‘z maydonida "Nasaf"ni qabul qildi.
Ilk daqiqalardan Ro‘ziqul Berdiyev shogirdlari to‘p bilan ko‘proq muomalada bo‘lgan bo‘lsa-da, hisobni mezbonlar ochishdi. Markaziy himoyada xato natijasida Eldor Shomurodov bahsning 21-daqiqasida hisobni ochdi. E’tiborli tomoni, O‘zbekiston terma jamoasi futbolchisi uchun bu gol Oliy liganing ushbu mavsumidagi ilk gol bo‘ldi.
Qarshiliklar tanaffusga qadar hisobni tenglashtirishga muvaffaq bo‘lishdi. Bahrom Abdurahimov hujumni boshladi va to‘pni chap qanotdagi Sayfiyevga uzatdi. Farrux yuqoridan yetkazgan uzatmani past bo‘yli Bahromning o‘zi bosh bilan darvozaga joylab qo‘ydi.
Ikkinchi bo‘limda "qaldirg‘ochlar" yana hisobda oldinga o‘tib olishdi. Shahzodbek Nurmatov 18 metrlardan bergan zarba natijasida to‘p rekoshet holatida mehmonlar darvozasiga borib tushdi. Bahs tugashiga 6 daqiqa qolganida "Nasaf" yana hisobni tenglashtirdi. Jarimadan yetkazilgan uzatmani Dragan Cheran bosh bilan darvozani ishg‘ol qildi.
O‘yinning so‘nggi daqiqalarida omad tufayli "Bunyodkor" nafaqat mag‘lubiyatdan qutulib qoldi, balki g‘alabani ham ilib ketdi. Dastlab Kenjaboyevning murakkab zarbasini Zuhurov qiyinchilik bilan qaytargan bo‘lsa, Shahboz Erkinovning zarbasi darvoza ustuniga tegib qaytdi. Asosiy vaqtning so‘nggi daqiqasida esa Shomurodov yetkazgan uzatmani hujumga qo‘shilgan Ahmadaliyev bosh bilan "Nasaf" darvozasiga joyladi.
Ushbu g‘alaba tufayli "Bunyodkor" o‘z ochkolarini 21taga yetkazdi va jadvalda 7-o‘ringa ko‘tarilib oldi. "Nasaf" esa 26 ochko bilan birinchi davrani 3-o‘rinda yakunladi.
Oliy liga, 3-turning qoldirilgan o‘yini
19:00: "BUNYODKOR" - "NASAF" 3:2
Gollar: Eldor Shomurodov (21), Shahzodbek Nurmatov (61), Dilshod Ahmadaliyev (90) — Bahrom Abdurahimov (35), Dragan Cheran (84)
“Bunyodkor”: 25.Murodjon Zuhurov (s), 2.Rustamjon Ashurmatov, 4.Akramjon Komilov, 8.Jovlon Ibrohimov, 9.SHaxzodbek Nurmatov, 10.Eldor Shomurodov, 17.Dostonbek Hamdamov, 19.Nurillo To‘xtasinov, 21.Dilshodbek Ahmadaliyev, 28.Davronbek Umirov, 29.Otabek Shukurov.
Zaxira: 55.Eldor Adhamov, 15.Farrux Ikromov, 16.Alisher Sanoyev, 20.Sardorbek Azimov, 31.Mirjahon Mirahmadov, 34.Suxrob Izzatov, 97.Javohir Esonqulov.
“Nasaf”: 25.Eldorbek Suyunov, 2.Akmal Shorahmedov, 4.Maqsud Karimov, 6.Aziz G‘aniyev, 10.Dilshod Rahmatullayev, 18.Bahrom Abdurahimov, 20.Islom Kenjaboyev, 22.Igor Golban, 23.SHerzod A’zamov (s), 34.Farruh Sayfiyev, 69.Dragan Cheran.
Zaxira: 35.Snjar Quvvatov, 7.Odiljon Hamrobekov, 8.Sirojiddin Qo‘ziyev, 9.Dilshod Xushbakov, 15.SHaxboz Erkinov, 27.Islom Rashidxonov, 31.Saydullo Rahmatov.
Hakamlar: Ravshan Ermatov (Toshkent), Abduhamidullo Rasulov, Jahongir Saidov (Toshkent), Dmitriy Klepikov (Toshkent)
| № | Jamoa | O‘yin | G‘alaba | Durang | Mag‘lubiyat | T-N | Ochko |
|---|---|---|---|---|---|---|---|
| 1 | Lokomotiv | 15 | 11 | 2 | 2 | 36-10 | 35 |
| 2 | Qo‘qon-1912 | 15 | 7 | 6 | 2 | 23-16 | 27 |
| 3 | Nasaf | 15 | 8 | 2 | 5 | 24-14 | 26 |
| 4 | Olmaliq | 15 | 6 | 6 | 3 | 12-11 | 24 |
| 5 | Paxtakor | 15 | 7 | 3 | 5 | 19-19 | 24 |
| 6 | Buxoro | 15 | 7 | 2 | 6 | 25-21 | 23 |
| 7 | Bunyodkor | 15 | 5 | 6 | 4 | 16-16 | 21 |
| 8 | Mash’al | 15 | 5 | 5 | 5 | 15-13 | 20 |
| 9 | Metallurg | 15 | 6 | 2 | 7 | 20-19 | 20 |
| 10 | Qizilqum | 15 | 5 | 5 | 5 | 15-16 | 20 |
| 11 | Dinamo | 15 | 5 | 4 | 6 | 18-18 | 19 |
| 12 | Navbahor | 15 | 4 | 7 | 4 | 16-19 | 19 |
| 13 | So‘g‘diyona | 15 | 5 | 2 | 8 | 19-26 | 17 |
| 14 | Sho‘rtan | 15 | 5 | 0 | 10 | 14-21 | 15 |
| 15 | Neftchi | 15 | 2 | 5 | 8 | 12-25 | 11 |
| 16 | Obod | 15 | 2 | 3 | 10 | 10-30 | 9 |
