Bugun, 4 iyul kuni O‘zbekiston Futbol Federasiyasi prezidenti Usmonov Mirabror Zufarovich 70 yoshni qarshi oldi.
Qutlug‘ ayyom munosabati bilan FIFA prezidenti Janni Infantino hamda OFK prezidenti Salmon bin Ibrohim al-Halifa Mirabror Usmonovga tabrik xati yo‘lladi.
“Tug‘ilgan kuningiz bilan tabriklayman! Ushbu ajoyib kunda eng ezgu niyatlar bilan sizga omad, baxt, sog‘liq va muvaffaqiyat tilayman. Umid qilamanki, bu kunni siz oila va do‘stlaringiz davrasida o‘tkazasiz”, – deyiladi FIFA prezidenti Janni Infantino maktubida.
“Tug‘ilgan kuningiz muborak bo‘lsin! Katta hurmat bilan sizga eng yaxshi niyatlarni tilab, mintaqada futbol rivojiga qo‘shayotgan hissangiz uchun minnatdorchilik bildiraman. One Asia, One Goal shiori ostidagi barcha maqsadlarimizga erishish yo‘lida o‘zaro hamkorlikni davom ettirishimizga umid qilib qolaman. Sizga sog‘liq va muvaffaqiyat tilayman”, – deyiladi OFK prezidenti xatida.
