“Bunyodkor” – “Nasaf” uchrashuvidan keyingi matbuot anjumanining birinchi qismida “ajdarlar” ustozi ishtirok etdi.
- Futboldagi sen urmasang senga urishadi iborasi bugun yana bir karra o‘z so‘zini aytdi. Ikki marta hisobda ortda borib, vaziyatni tenglashtirdik. Biroq uchinchi golni urishimizga vaqt yetmay qoldi. Bugun “Bunyodkor” hujumkor o‘yin ko‘rsatishini bilardik. Shunga qarab, himoyaviy taktika qo‘llagandik. Afsuski, natija yaxshi bo‘lmadi. O‘yin juda qiziqarli tus oldi. Bunday o‘yinlar chempionatimizni bezaydi. O‘ylashimcha, bugun birinchi davraning eng yaxshi o‘yinlaridan biri bo‘ldi. Ikkinchi davraga munosib tayyorgarlik ko‘ramiz.
Suyunov va A’zamovni “Paxtakor” jamoasiga qo‘yib yubordik. Ular o‘rnini munosib nomzodlar bilan to‘ldiramiz, - deydi Ro‘ziqul Berdiyev.
