“Bunyodkor” – “Nasaf” uchrashuvidan keyingi matbuot anjumanining ikkinchi qismida “qaldirg‘ochlar” ustozi ishtirok etdi.

- Juda qiziqarli va jangavor o‘yin bo‘ldi. Shuningdek, jamoalar bir-birlariga munosib qarshilik ko‘rsatishdi. Bugun g‘alaba biz uchun juda muhim edi va bu vazifani bajarganimizdan xursandmiz. Adashmasam, musobaqa jadvalida 7-pog‘onaga chiqib oldik. Davralar oralig‘ida yaxshi tayyorgarlik ko‘rib, chempionatning ikkinchi qismida ham yaxshiroq natija ko‘rsatishimiz kerak. Yigitlar bugun borlarini berib, so‘nggi daqiqagacha kurash olib borishdi. Jamoam mavsum yakunida nechanchi o‘rinda bo‘ladi, buni aniq ayta olmaymanki, lekin meni boshqaruvimda to‘p tepadigan yigitlar hakam xushtagi chalingunga qadar bor kuchlari bilan o‘yin ko‘rsatishadi, - deydi Mirjalol Qosimov.