JCH-2018 finali va tennis bo‘yicha Uimbldon turnirining final bahsi bir xil vaqtga to‘g‘ri kelib qolgani aniqlandi.

2018 yilda Rossiya mezbonlik qiladigan Jahon chempionatining final o‘yini 15 iyul kuni Toshkent vaqti bilan soat 20:00da boshlanadi. Shu kuni 18:00da esa tennis bo‘yicha Uimbldon musobaqasining erkaklar o‘rtasidagi hal qiluvchi bellashuvi start oladi.

Angliyaning BBC hamda Yaponiyaning NHK telekanallari mazkur vaziyatdan norozi bo‘lib, JCH finali sanasi yoki vaqtini o‘zgartirishni so‘rab, FIFAga murojaat qildi. Xalqaro futbol uyushmasi bu so‘rovga rad javobini berdi. Tashkilot mulozimlarining fikriga ko‘ra, final uchun tanlangan vaqt futbol auditoriyasi uchun juda mos va u o‘zgarmaydi.

BBC telekompaniyasining xavotiri shundaki, mundial finalida Angliya terma jamoasi, Uimbldon finalida esa britaniyalik Endi Marrey kortga chiqishi mumkin. Bu holatda telekanal katta daromad keltirishi mumkin bo‘lgan translyasiyaning biridan voz kechishi kerak bo‘ladi.