Ravshan Haydarov bosh murabbiyligidagi O‘zbekiston U-22 terma jamoasi Qatar poytaxti Doha shahrida o‘tkaziladigan xalqaro musobaqada ishtirok etmoqda.
Turnirda uch mamlakat yoshlar termasi – Qatar, O‘zbekiston va Qirg‘iziston 2 davrali tizimda o‘yinlarni o‘tkazadi.
Bugun futbolchilarimiz Qirg‘izistonga qarshi maydonga tushib, 2:0 hisobida g‘alaba qozonishdi. Natijada, 3 o‘yindan so‘ng, yoshlarimiz 9 ochko bilan yakka peshqadamlik qilmoqda.
30 iyun, juma
Qatar – Qirg‘iziston – 3:3
1 iyul, shanba
O‘zbekiston – Qirg‘iziston – 1:0
2 iyul, yakshanba
Qatar – O‘zbekiston – 0:1
4 iyul, seshanba
Qatar – Qirg‘iziston — 2:0
5 iyul, chorshanba
Qirg‘iziston – O‘zbekiston — 0:2
Gollar: Bobur Abduholiqov (2, 50)
6 iyul, payshanba
22:00 O‘zbekiston – Qatar
Ma’lumot uchun, ushbu musobaqa O‘zbekiston yoshlar termasi uchun 2018 yili Xitoyda bo‘lib o‘tadigan U-23 Osiyo chempionatiga saralash bosqichi uchun tayyorgarlik vazifasini o‘taydi. Saralash bosqichi shu yilning 15–19 iyul kunlari BAAda bo‘lib o‘tadi.
