O‘zbekiston Professional futbol ligasi Tartib-intizom qo‘mitasining yig‘ilishi bo‘lib o‘tdi va unda quyidagi qarorlar qabul qilindi.
Oliy Liga
Oliy Liga 14-turida «Qo‘qon-1912» jamoasiga qarshi o‘yinda hakamga nomaqbul so‘zlar ishlatgani uchun maydondan chetlatilgan «So‘g‘diyona» yarim himoyachisi Sanjar Rashidov 3 o‘yinga diskvalifikasiya qilindi va jarimaga tortildi.
Yoshlar Ligasi
«So‘g‘diyona»ga qarshi 13-tur o‘yinida hakam yordamchisiga nomaqbul so‘zlar ishlatgani uchun maydondan chetlatilgan «Navbahor» darvozaboni Nodirjon Ashurmatov 3 o‘yinga diskvalifikasiya qilindi.
«Neftchi» jamoasi bilan 14-tur o‘yinida hakamlar brigadasiga nisbatan nomaqbul so‘zlar ishlatgani uchun «Mash’al» murabbiyi Ruslan Ahmedov 5 o‘yinga chetlatildi.
«Bunyodkor»ga qarshi 14-turda agressiv xatti-harakati uchun maydondan chetlatilgan «Buxoro» yarim himoyachisi Burxon Hasanov 3 o‘yinga diskvalifikasiya qilindi.
«Obod» klubiga qarshi 5-tur bellashuvida agressiv xatti-harakati uchun maydondan chetlatilgan «Paxtakor» yarim himoyachisi Kamron Saidazimov 2 uchrashuvga diskvalifikasiya qilindi.
«Dinamo» jamoasi bilan 15-tur o‘yinida raqibiga nisbatan nomaqbul so‘zlar ishlatgani uchun maydondan chetlatilgan «Mash’al» himoyachisi Shahzod Abdurahimov2 o‘yinga diskvalifikasiya qilindi.
«Dinamo»ga qarshi 15-tur o‘yinida raqibini nomaqbul so‘zlar bilan atagani uchun maydondan chetlatilgan «Mash’al» himoyachisi Shoxjahon Qilichev 2 o‘yinda diskvalifikasiya qilindi.
Birinchi Liga
«NBU-Osiyo» klubiga qarshi 14-turda hakamga nisbatan nomaqbul so‘zlar ishlatgani uchun maydondan chetlatilgan «Xorazm» murabbiyi G‘ayrat Shixov 5 o‘yinga chetlatildi va jarimaga tortildi.
«Norin» jamoasi bilan 16-tur uchrashuvida ikkinchi sariq kartochkani olib, maydonni tark etgan va shundan keyin zaxira hakamini nomaqbul so‘zlar bilan atagan «Lokomotiv-BFK» himoyachisi Nurbek Sidabullayev 3 o‘yinga chetlatildi.
