«Bunyodkor» va O‘zbekiston milliy terma jamoasi hujumchisi Eldor Shomurodov faoliyatini Rossiyaning «Rostov» klubida davom ettiradi.

Futbolchining «Bunyodkor» bilan shartnomasi shu yil oxirida yakuniga yetadi. Shu boisdan uning rostovliklar safiga qachon yetib borishi hozircha aniq emas. FIFA qoidalariga ko‘ra, shartnomasi yakuniga yarim yil qolgan futbolchi boshqa klub bilan muzokara o‘tkazishga haqli bo‘ladi.

Endi «Bunyodkor» va «Rostov» o‘zaro kelishib olishi kerak bo‘ladi. Agar Shomurodov ikkinchi davradayoq «qaldirg‘ochlar»ni tark etsa, «Rostov» toshkentliklar hisob raqamiga ma’lum miqdorda pul o‘tkazib berishi kerak. Eldor «Rostov» safiga qishda yetib borsa, u holda yangi klubiga erkin agent sifatida qo‘shilgan bo‘ladi.