«Lester Siti» bosh murabbiyi Kreyg Shekspir yarimhimoyachi Riyoz Mahrezni tanqid qildi.

«Futbolchilar jamoani tark etmoqchi ekani haqida ochiqchasiga gapirmoqda, bu qayg‘uli. Ammo bugungi futbol shunaqa. Riyozning ahvolidan, uning jamoani tark etmoqchi ekanidan xabardorman. U o‘zini professionallarcha tutishi, klubga va jamoadoshlariga moyilligini ko‘rsatishi kerak.

U jamoa tarkibida ekan, demak maydonga tushib, jon kuydirishi shart. Agar u bizga moyilligini ko‘rsatmasa, maydonga tushirmayman. Uning «Lester» bilan imzolagan shartnomasi bor, shuni yaxshi anglashi lozim» - dedi Shekspir Goal xabarida.

Angliya chempionatining o‘tgan mavsumida Mahrez 36 o‘yinda maydonga tushib, 6ta gol urgan va 3ta golga hammualliflik qilgan.