«Лестер Сити» бош мураббийи Крэйг Шекспир яримҳимоячи Риёз Маҳрезни танқид қилди.

«Футболчилар жамоани тарк этмоқчи экани ҳақида очиқчасига гапирмоқда, бу қайғули. Аммо бугунги футбол шунақа. Риёзнинг аҳволидан, унинг жамоани тарк этмоқчи эканидан хабардорман. У ўзини профессионалларча тутиши, клубга ва жамоадошларига мойиллигини кўрсатиши керак.

У жамоа таркибида экан, демак майдонга тушиб, жон куйдириши шарт. Агар у бизга мойиллигини кўрсатмаса, майдонга туширмайман. Унинг «Лестер» билан имзолаган шартномаси бор, шуни яхши англаши лозим» - деди Шекспир Goal хабарида.

Англия чемпионатининг ўтган мавсумида Маҳрез 36 ўйинда майдонга тушиб, 6та гол урган ва 3та голга ҳаммуаллифлик қилган.