Germaniya terma jamoasi 3 aprel kuni Sankt-Peterburgda uyushtirilgan teraktda jabrlangan qizga sovg‘a berdi.
Peterburgning 24 yoshli fuqarosi Evelina Germaniya terma jamoasi va «Bavariya»ning muxlisi hisoblanadi. U terakt oqibatida og‘ir jarohatlarni olib, bir necha marta jarrohlik stoliga yotgan edi. Germaniya futbolchilari qizning ko‘nglini olish maqsadida, unga dastxat tushirilgan libosni sovg‘a qilishdi. Bundan tashqari, «Bavariya» klubi ham unga futyuolchilarning fotosuratlarini taqdim qildi.
Eslatib o‘tamiz, Germaniya terma jamoasi Sankt-Peterburg shahrida o‘tkazilgan KK-2017 finalida Chili (1:0) termasini mag‘lub etib, bosh sovrinni qo‘lga kiritgandi.
