Германия терма жамоаси 3 апрель куни Санкт-Петербургда уюштирилган терактда жабрланган қизга совға берди.
Петербургнинг 24 ёшли фуқароси Эвелина Германия терма жамоаси ва «Бавария»нинг мухлиси ҳисобланади. У теракт оқибатида оғир жароҳатларни олиб, бир неча марта жарроҳлик столига ётган эди. Германия футболчилари қизнинг кўнглини олиш мақсадида, унга дастхат туширилган либосни совға қилишди. Бундан ташқари, «Бавария» клуби ҳам унга футюолчиларнинг фотосуратларини тақдим қилди.
Эслатиб ўтамиз, Германия терма жамоаси Санкт-Петербург шаҳрида ўтказилган КК-2017 финалида Чили (1:0) термасини мағлуб этиб, бош совринни қўлга киритганди.
