Rossiyaning Yekaterinburg shahridagi jamoaviy o‘yinlar saroyida professional boks kechasi bo‘lib o‘tdi.
Oqshomning markaziy jangida WBA Super talqiniga ko‘ra birinchi og‘ir vazndagi jahon chempioni 37 yoshli rossiyalik Denis Lebedev 27 yoshli avstraliyalik Mark Flenaganga qarshi ringga chiqdi.
O‘n ikki raundga mo‘ljallangan chempionlik jangida 37 yoshli Lebedev o‘zidan 10 yoshga kichik bo‘lgan raqibini 120-107, 119-108, 119-108 hisobida mag‘lub etib, kamarini himoya qildi.
Eslatib o‘tamiz, mazkur kechada hamyurtimiz Qudratillo Abdurahmonov yarim o‘rta vazn toifasida WBS Silver chempionlik kamarini himoya qildi.
