Futbol bo‘yicha shifokorlar o‘rtasidagi Jahon chempionatining chorakfinaliga qadar yetib kelgan O‘zbekiston termasi Buyuk Britaniyaga raqib bo‘ldi.
Avstriya mezbonligida o‘tayotgan va Morell Cup nomini olgan musobaqaning guruh bosqichini o‘zbekistonlik doktorlar 1-o‘rinda yakunlashga muvaffaq bo‘lgandi. Ular ilk turda AQSH shifokorlarini 4:1 hisobida taslim qilgan bo‘lsa, keyinroq mezbon Avstriya bilan 0:0 hisobida durang o‘ynagandi. So‘nggi turda esa Braziliyadan kelgan shifokorlar jamoasi taslim qilindi — 2:0.
Buyuk Britaniya termasi «E» guruhida Rossiya, Argentina va Avstraliya bilan o‘ynab, uni peshqadam sifatida yakunladi. Rossiyaga qarshi uchrashuv 0:0 hisobida yakuniga yetdi. Keyinroq Avstraliya 3:0, Argentina 2:0 hisobida mag‘lub etildi.
Chorakfinal bellashuvlari ertaga — 13 iyul kuni bo‘lib o‘tadi.
Morell Cup
1/4 final
13 iyul, payshanba
O‘zbekiston — Buyuk Britaniya
Chexiya — Vengriya
Shvesiya — Kolumbiya
Kataloniya — Ukraina
