«Andijon» davralar oralig‘idagi birinchi sinov-nazorat uchrashuvini o‘tkazdi.
Sparring-raqib sifatida «Uz-Dong-Ju» jamoasi tanlandi. Garchi o‘yin o‘rtoqlik maqomini olgan bo‘lsada, derbiga xos tarzda, murosasiz kurashlarga boy kechdi. Qiziqarli kechgan bahsda «Uz-Dong-Ju» 3:1 hisobida g‘alaba qozondi. Shu kuni «Andijon» tarkibida asosan ko‘rikda bo‘lib turgan yoshlar xarakat qildi. E’tiborlisi viloyat derbisini har ikki jamoa murabbiylari bitta o‘rindiqda kuzatib bordi va o‘ziga kerakli xulosalarni chiqarib olishdi deyish mumkin. Uchrashuv Bo‘ston dahasidagi «BO‘FM» stadionida o‘tdi. Andijonlik ishqibozlar katta futbolni ancha sog‘inib qolishganini, ularning stadion tribunasini to‘ldirib o‘tirishganidan bilib olish qiyin emasdi.
Usmon Toshev mazkur bahsdan keyin ayrim futbolchilar bilan xayrlashishga qaror qildi. Xususan Barakatillo Isroilov, Ahror O‘ktamov, Mansur Mahsudov, Shahzod Karimov, Farrux Shotursunov, Akbar Xodjayev kabi o‘yinchilarga jvaob berildi. Endi ular o‘ziga boshqa jamoa topishi mumkin. Ulardan avvalroq Kemran Nadjafaliyev bilan Muhammadyusuf Abdumajidovning ham jamoa bilan xayrlashgani aniq bo‘lgandi.
Shuningdek jamoada ko‘rigida bo‘lgan ayrim yoshlarga ham javob berildi.
