“Lokomotiv” Oliy Liga ikkinchi davrasiga hozirlik jarayonini davom ettirmoqda.
Jamoa ayni paytda Belarus poytaxti Minsk shahrida o‘quv-mashg‘ulot yig‘ini tashkil etmoqda. Kuniga ikki mahaldan mashg‘ulotlar olib borilmoqda. Mashg‘ulotlarda jami 24 nafar futbolchi qatnashmoqda.
Bugun ham Minsk futbol akademiyasi maydonida mashg‘ulot o‘tkazildi. Unda dastlab barcha yengil yugurib oldi. So‘ngra chigalyozdi mashqlari o‘taldi. Keyin esa bor e’tibor to‘p bilan muomala hamda taktik mashqlarga qaratildi.
Ertaga “Lokomotiv” Minsk yig‘ini doirasidagi ilk nazorat uchrashuvini o‘tkazadi. Unda jamoaga Mogilyov shahrining “Dnepr” klubi raqiblik qiladi.
