Bugun, 15 iyul kuni O‘zbekiston yoshlar terma jamoasi 2018 yili Xitoyda bo‘lib o‘tadigan U-23 Osiyo chempionatiga yo‘llanma olish uchun saralash bahslarini boshlaydi. Bugun o‘zbekistonlik futbolchilarga Livan U-22 termasi qarshilik qiladi.
Avval xabar berilganidek, Ravshan Haydarov mazkur musobaqaga 22 futbolchini jalb qilgan. Ular orasida esa “Bunyodkor”ning ikki futbolchisi Rustam Ashurmatov va Doston Hamdamov yo‘q edi.
O‘FF matbuot xizmati yuqorida ta’kidlangan futbolchilar jarohati va salomatligi bois OCH saralashiga chaqirilmaganini ma’lum qildi.
“Rustam Ashurmatov va Doston Hamdamov jarohati hamda sog‘lig‘idagi muammolar tufayli U-23 OCH saralashida ishtirok etayotgan O‘zbekiston U-22 tarkibiga chaqirilmadi”, – deyiladi O‘FF matbuot xizmati xabarida.
