«Monako» yarimhimoyachisi Tyemuye Bakayoko «Chelsi» klubiga o‘tdi.
22 yoshli futbolchi londonliklar bilan 5 yillik shartnoma imzoladi. Uning transferi uchun «Chelsi» 40 mln yevro to‘ladi. Futbolchi jamoada 14-raqam ostida o‘ynaydigan bo‘ldi.
«Bunday ajoyib jamoa tarkibiga qo‘shilganimdan xursandman. Yoshligimdan «Chelsi»ga muxlislik qilganman. Men o‘zim yaxshi ko‘radigan jamoa bilan shartnoma imzoladim, bu tabiiy edi. Endi ajoyib murabbiy qo‘l ostida va zo‘r jamoadoshlarim bilan birga to‘p surishni orziqib kutaman» - dedi Bakayoko klub rasmiy sayti xabarida.
