«Монако» яримҳимоячиси Тьемуе Бакайоко «Челси» клубига ўтди.
22 ёшли футболчи лондонликлар билан 5 йиллик шартнома имзолади. Унинг трансфери учун «Челси» 40 млн евро тўлади. Футболчи жамоада 14-рақам остида ўйнайдиган бўлди.
«Бундай ажойиб жамоа таркибига қўшилганимдан хурсандман. Ёшлигимдан «Челси»га мухлислик қилганман. Мен ўзим яхши кўрадиган жамоа билан шартнома имзоладим, бу табиий эди. Энди ажойиб мураббий қўл остида ва зўр жамоадошларим билан бирга тўп суришни орзиқиб кутаман» - деди Бакайоко клуб расмий сайти хабарида.
