O‘zbekiston U-22 terma jamoasi BAAning Al Ayn shahrida start olgan U-23 OCH saralash turnirini Livan ustidan qozonilgan g‘alaba bilan boshladi. Uchrashuvdan keyin Ravshan Haydarov o‘z fikrlari bilan o‘rtoqlashdi.

Ravshan Haydarov, O‘zbekiston U-22 terma jamoasi bosh murabbiyi:
"Bugungi o‘yin uchun futbolchilarga minnatdorchilik bildiraman. Futbolchilar biroz noqulay sharoitlarga qaramay haqiqiy shijoat va matonat ko‘rsatishdi. Bugun ikki hil taymlarga guvoh bo‘ldik. Dastlabki bo‘limda biz yaxshi o‘ynadik, ikkinchi bo‘limda esa biroz e’tiborni qochirdik va natijada gol o‘tkazib yubordik. Raqibni qarshi hujumda jazolamoqchi edik, ammo, buni uddasidan chiqa olmadik. Yaxshi vaziyatlar yaratdik, ammo ulardan foydalana olmadik. Biz uchun guruhdagi har bir uchrashuv muhim. Nepalga qarshi o‘yinga ham, BAAga qarshi ham jiddiy tayyorgarlik ko‘ramiz".