Toshkentning «Obod» klubi yopilmasligi mumkin.
Klub matbuot kotibi Futqat Nishonov «Oriat Dono» radiosining «Futbol plyus» eshittirishi orqali klubga yangi homiy kelishi deyarli aniq bo‘lgani va klub 2-davrada o‘z faoliyatini davom ettirishini aytdi.
«Hozircha batafsil ma’lumot bera olmayman, ammo klubni yangi homiylar sotib olishdi va klub tugatilgani yo‘q» - dedi u.
Boshlovchining «Obod»ning ko‘plab futbolchilari boshqa klublarga o‘tib ketdi, ularning o‘rni qanday to‘ldiriladi?» - degan savoliga, matbuot kotibi «Istaysizmi-yo‘qmi davralar oralig‘ida transferlar chog‘ida ko‘plab futbolchilar klublardagi ko‘rikdan o‘ta olmaydi. Ayni shu futbolchilar orqali boshqa klubga o‘tib ketgan futbolchilarning o‘rni to‘ldirilish ehtimoli katta» - deb javob qaytardi.
Eslatib o‘tamiz, birinchi davradan so‘ng «Obod» homiy topilmaganligi tufayli tarqatib yuborilishi haqida xabarlar tarqalgan edi. Ayni vaqtda klub Oliy liga jadvalida 9 ochko bilan so‘nggi o‘rinda bormoqda.
