Тошкентнинг «Обод» клуби ёпилмаслиги мумкин.

Клуб матбуот котиби Футқат Нишонов «Ориат Доно» радиосининг «Футбол плюс» эшиттириши орқали клубга янги ҳомий келиши деярли аниқ бўлгани ва клуб 2-даврада ўз фаолиятини давом эттиришини айтди.

«Ҳозирча батафсил маълумот бера олмайман, аммо клубни янги ҳомийлар сотиб олишди ва клуб тугатилгани йўқ» - деди у.

Бошловчининг «Обод»нинг кўплаб футболчилари бошқа клубларга ўтиб кетди, уларнинг ўрни қандай тўлдирилади?» - деган саволига, матбуот котиби «Истайсизми-йўқми давралар оралиғида трансферлар чоғида кўплаб футболчилар клублардаги кўрикдан ўта олмайди. Айни шу футболчилар орқали бошқа клубга ўтиб кетган футболчиларнинг ўрни тўлдирилиш эҳтимоли катта» - деб жавоб қайтарди.

Эслатиб ўтамиз, биринчи даврадан сўнг «Обод» ҳомий топилмаганлиги туфайли тарқатиб юборилиши ҳақида хабарлар тарқалган эди. Айни вақтда клуб Олий лига жадвалида 9 очко билан сўнгги ўринда бормоқда.