Osiyo chempionati saralashida ishtirok etayotgan O‘zbekiston yoshlar terma jamoasi ikkinchi tur uchrashuvida maydonga tushdi.
Nepalga qarshi kechgan o‘yinda terma jamoamiz vakillari 2:0 hisobida g‘alaba qozonishdi. Mazkur uchrashuvda “Qo‘qon-1912” jamoasi a’zosi Javohir Sidiqov asosiy tarkibda harakat qildi va bitta golga hammualliflik qildi.
Uchrashuvning 21-daqiqasida Javohir Siddiqov tomonidan yetkazib berilgan uzatmani Doston Tursunov darvozaga joylab qo‘ydi va hisobni ochdi.
Ikkinchi bo‘limda zahirdan maydonga tushirilgan Azizjon G‘aniyev hisobni ishonchli ko‘rinishga keltirdi – 2:0.
Ravshan Haydarov boshchiligidagi O‘zbekiston U-23 dastlabki ikki turda ikkita g‘alabaga erishdi. So‘nggi turda jamoa guruh g‘olibligi uchun BAAga qarshi o‘ynaydi.
Javohir O‘zbekiston terma jamoasining Livanga qarshi bo‘lib o‘tgan uchrashuvida ham bitta golga assisentlik qilgan edi.
