Осиё чемпионати саралашида иштирок этаётган Ўзбекистон ёшлар терма жамоаси иккинчи тур учрашувида майдонга тушди.

Непалга қарши кечган ўйинда терма жамоамиз вакиллари 2:0 ҳисобида ғалаба қозонишди. Мазкур учрашувда “Қўқон-1912” жамоаси аъзоси Жавоҳир Сидиқов асосий таркибда ҳаракат қилди ва битта голга ҳаммуаллифлик қилди.

Учрашувнинг 21-дақиқасида Жавоҳир Сиддиқов томонидан етказиб берилган узатмани Достон Турсунов дарвозага жойлаб қўйди ва ҳисобни очди.

Иккинчи бўлимда заҳирдан майдонга туширилган Азизжон Ғаниев ҳисобни ишончли кўринишга келтирди – 2:0.

Равшан Ҳайдаров бошчилигидаги Ўзбекистон U-23 дастлабки икки турда иккита ғалабага эришди. Сўнгги турда жамоа гуруҳ ғолиблиги учун БААга қарши ўйнайди.

Жавоҳир Ўзбекистон терма жамоасининг Ливанга қарши бўлиб ўтган учрашувида ҳам битта голга ассисентлик қилган эди.